Нийслэлийн “Шилдэг хороо-хэсгийн ахлагч нарын шилдэг баг” болзолт уралдаан болон “Манай хороо-миний гудамж” аяны шилдгүүд тодорлоо. Шилдгээр шалгарсан иргэн, аж ахуйн нэгж, байгууллага, хороо, дүүргүүдэд шагнал гардуулах ёслолын ажиллагаа болжээ.

“Манай хороо-Миний гудамж” аяны шилдэг дүүргээр Сонгинохайрхан шалгарсан бол дэд байрт Баянгол, гуравдугаар байрт Налайх дүүрэг шалгарлаа. Харин “Хэсгийн ахлагч нарын шилдэг баг” болзолт уралдаанд Налайх дүүргийн 4-р хороо, “Шилдэг хороо” болзолт уралдааны тэргүүн байрт Сонгинохайрхан дүүргийн 9-р хороо тус тус шалгарав.