Монгол Улсын Нийт шүүгчийн анхдугаар чуулган Төрийн ордонд болж байна. Өнөөдрийн чуулганаар Шүүхийн ерөнхий зөвлөл, Сахилгын хорооны шүүгч гишүүдийг нууц санал хураалтаар сонгох бөгөөд Шүүхийн ерөнхий зөвлөлийн шүүгч гишүүний 5 орон тоонд 16 шүүгч, Сахилгын хорооны шүүгч гишүүний 4 орон тоонд 10 шүүгч нэрээ дэвшүүлээд байна.
Чуулганаар мөн Хэрэг, нэхэмжлэл, гомдол, хүсэлт хүлээн авах, хуваарилах болон хэрэг, маргааныг хянан шийдвэрлэх шүүгч, шүүх бүрэлдэхүүнийг сугалаагаар томилох нийтлэг журмыг хэлэлцэн баталж, Шүүхийн ерөнхий зөвлөлийн тайланг сонсох юм.
Нийт шүүгчийн анхдугаар чуулганы ажлын хэсгийн гишүүн Д.Эрдэнэбалсүрэн хуралдааны дэгийг танилцуулж, баталсан юм.
Хуралдаан үргэлжилж байна.
