Улаанбаатар хотын Захирагч Д.Сумъяабазар болон холбогдох албаныхан өнөөдөр цаг үеийн асуудлаар мэдээлэл хийлээ. Энэ үеэр Нийслэлийн Эрүүл мэндийн газраас мэдээлэл өгөхдөө хичээл сургууль эхэлснээс хойш нийт 194 Ерөнхий боловсролын сургуулиас 1000 гаруй, 34 их, дээд сургуулиас 369, 141 цэцэрлэгээс 71 халдварын тохиолдол бүртгэгдсэн гэлээ. Мөн эмнэлгүүдэд 5832 нэмэлт ор дэлгэсэн ч дахин нэмж ор дэлгэх шаардлага байгаа аж. Цар тахлын энэ удаагийн давалгаанд эмч мэргэжилтнүүд өөрсдөө өртөж, эмчилгээ тасалдах эрсдэл үүссэн талаар мэдээлж байна.