ЭМЯ-аас коронавируст цар тахлын нөхцөл байдлын талаарх ээлжит мэдээллээ хийлээ.

Энэ үеэр ХӨСҮТ-ийн дэд захирал Ж.Байгалмаа "Батлагдсан тохиолдлын 71.5 хувь нь гэр бүлийн гишүүнээс, 10.3 хувь нь албан байгууллага дотроосоо халдвар авсан байна. Энэ нь ХӨСҮТ-өөс хийсэн батлагдсан тохиолдол болон кластерийн судалгааг эрчимжүүлэх үүднээс 5410 хүн хамруулсан судалгаанаас гарсан үзүүлэлт юм. Дельта хувилбарын тархалтыг бууруулахад иргэн таны оролцоо, хувь нэмэр чухал. Үүний тулд гэр бүл, найз нөхөд, ажлын хамт олноороо нэг дор цугларч хоол идэхгүй байх, баяр ёслол тэмдэглэхгүй, хааллтай орчинд амны хаалтгүй ярилцахгүй, ойрын зайнд удаан хугацаагаар хавьтал болохгүй байх хэрэгтэй. Түүнчлэн урлаг наадам, үзвэр үйлчилгээ, хурал цуглаан зэрэг олон хүн цугларсан арга хэмжээнд очихгүй байхыг уриалж байна" гэлээ.