Олимпын наадмын чөлөөт бөхийн эмэгтэйчүүдийн 68 кг-ын жингийн барилдаан өнөөдөр Токио хотноо зохиогдож байна. Тус жинд дэлхийн хошой аварга С.Батцэцэг дөнгөж сая шөвгийн наймын барилдаанаа хийлээ.

Тэрбээр, ОХУ-ын тамирчин Ханум Вальеватай барилдаж өрсөлдөгчөө 8:5-ын харьцаатай оноогоор яллаа. Ингэснээр манай бөх шөвгийн дөрөвт шалгарч медалийн төлөө барилдах эрхтэй болох юм. Медалийн төлөөх барилдаан үдээс хойш 17.15 цагт эхэлнэ.

Л.Баяр