Өнөөдөр буюу тавдугаар сарын 21-ний 18.00 цагийн орчимд БШУ-ны сайд Л.Энх-Амгалан руу хутга барьсан этгээд дайрч, танхайрсан хэрэг гарчээ.

Тодруулбал, БШУЯ-ны гадаа 37 настай С гэгч этгээд сайд Л.Энх-Амгаланг яамнаасаа гарч ирэхэд нь хутга барьж танхайрсан бөгөөд төрийн тусгай хамгаалалтын албаныхан уг этгээдийг саатуулж, цагдаагийн байгууллагад хүлээлгэн өгсөн байна. С нь сайд Л.Энх-Амгалангийн биед халдсан боловч хутгаар ямар нэгэн гэмтэл учруулаагүй юм байна.

Уг хэргийг цагдаагийн байгууллагаас шалгаж байгаа ажээ. С нь БШУ-ны сайдыг ЭЕШ өгөх гэж байгаа 16, 17 настай хүүхдүүдэд хүчээр вакцин хийх гэж байна хэмээн хэвлэлүүдэд хандаж байсан билээ.

Баяр