Нийслэлийн хэмжээнд хоёрдугаар сарын 11-23-ны хооронд бүх нийтийн бэлэн байдлын зэрэгт шилжээд буй. Энэхүү хугацаанд "Нэг хаалга-Нэг шинжилгээ"-г зохион байгуулж, өрх бүрээс нэг хүн шинжилгээ өгч байгаа юм. Зарим дүүргийн хороодод иргэдээс гэрээр очиж шинжилгээ авч бол зарим нь дараах заасан цэгүүдэд очиж шинжилгээгээ өгнө.

Эхний өдөр 48, хоёр дахь өдөр 36 мянга, өнөөдөр 20 гаруй мянган өрхөөс шинжилгээ авах юм. Албаныхан нийслэлийн идэвхтэй байгаа 100 мянган өрхөөс шинжилгээ авсны дараагаар идэвхгүй байгаа голомтуудаас шинжилгээ авна. Иргэд шинжилгээ өгөхдөө урьдчилж цаг авах шаардлагагүй. Хүн хоорондын зайгаа сайн баримтлах нь чухал гэдгийг хэлж байв. Ингээд шинжилгээ өгөх цэгийн байршлыг танилцуулъя.