Улаанбаатар хотод баригдаж байгаа дүүжин тээврийн эхний шугам болох Яармаг Арцат - Өнөр хороолол чиглэлийн 4.2 км үргэлжлэх хэсгийг 2026 оны аравдугаар сард ашиглалтад оруулахаар ажиллаж байна.

Нэг кабиндаа 10 хүний багтаамжтай, нийт 98 кабинтай бөгөөд цагт 2320 зорчигч, өдөрт 37 мянга гаруй, жилд 13.5 сая хүртэл зорчигч үйлчлүүлэх хүчин чадалтай гэж тооцоолжээ. Тарифыг 3000 төгрөгөөр тооцвол, 2030 оноос ашигтай ажиллах санхүү, эдийн засгийн тооцоо гарчээ.

Мөн дүүжин замын тээвэр ашиглалтад орсноор нэг чиглэлд зорчих хугацаа дунджаар 11 минут болох бөгөөд одоогийн авто замын нөхцөлд 30 минутаас 2.5 цаг хүртэл зарцуулдаг хугацааг бууруулах боломжтой хэмээн тооцоолсон байна.