Эрчим хүчний салбарт үүсээд буй доголдолтой холбогдуулан УИХ-ын гишүүн Ө.Шижирийн зүгээс Шадар сайд Т.Доржханд, Эрчим хүчний сайд Б.Чойжилсүрэн нарыг огцруулах хүсэлтээ Ерөнхий сайд Г.Занданшатарт хүргүүлсэн. Түүний хүсэлтэд Ерөнхий сайдаас ямар нэгэн хариу өгөөгүй байгаа бөгөөд харин эрчим хүчний салбарт үүсээд буй доголдлыг арилгах 100 хоногийн хугацаанд арилгах үүрэг чиглэл өгсөн юм.
Тэгвэл уг асуудалд Шадар сайд Т.Доржханд NTV телевизийн Лхагвын тойм ярилцлагын нэвтрүүлэгт оролцох үеэрээ "Ө.Шижир гэдэг залуугийн шийдвэр АН-ын бүлгийн шийдвэр биш юм билээ. Бүлгийн гишүүдтэй нь ярихаар эсрэг байр суурьтай байна" хэмээн байр сууриа илэрхийлжээ.
