Алтан цомын төлөөх багуудын зургаадугаар тойргийн эхний хагаст ХАТАНТ ИНТЕРНЭШНЛ баг М-СИ-ЭС-ЭНЕРЖИ багтай учраа тааран барилдсанаас М-Си-Эс, Энержи баг 15:10-аар тав дахь ялалтаа авлаа.

М-Си-Эс Энержи багт улсын арслан Э.Батмагнай /4/, тавдугаар тойргоос сэлгээнд сууж, түүний оронд орж барилдсан аймгийн арслан Д.Аззаяа /0/, улсын харцага Ц.Мөнхбаяр /3/, аймгийн хурц арслан Д.Алтанцоож /3/, аймгийн арслан Ц.Төмөрцоож /3/, аймгийн арслан Ч.Алтангэрэл /2/ дөрөвдүгээр тойргоос сэлгээнд сууж түүний оронд орж барилдсан улсын харцага Н.Золбоо /0/ нийт 15 даваагаар ээлжит ялалтаа авсан бол Хатант интернэшнл багт улсын заан С.Сүхбат /2/, улсын харцага Б.Зоригтбаатар /1/, гуравдугаар тойргоос сэлгээнд сууж, түүний оронд орж барилдсан аймгийн арслан Б.Шаравдорж /0/, тавдугаар тойргоос сэлгээнд сууж, түүний оронд орж барилдсан аймгийн заан Э.Түмэндэмбэрэл /1/, улсын харцага О.Мөнх-Эрдэнэ /3/, улсын начин Т.Дүгэрдорж /1/, улсын начин Э.Мөнхжаргал /2/ нийт 10 даваа авсан юм.

М-Си-Эс, Энержи багийн дасгалжуулагчаар улсын харцага Н.Золбоо, Хатант интернэшнл багийн дасгалжуулагчаар улсын арслан Р.Пүрэвдагва нар ажиллав.

Харин ХАМАГ МОНГОЛ баг ЭВ МОНГОЛ багтай учраа тааран барилдсанаас Хамаг Монгол баг 14:11-ээр дөрөв дэх ялалтаа авсан юм.

Хамаг Монгол багт улсын заан Б.Бат-Өлзий /5/, улсын харцага О.Наранбаатар /0/, хоёрдугаар тойргоос сэлгээнд сууж, түүний оронд орж барилдсан аймгийн арслан Б.Цагаанбанди /0/, гуравдугаар тойргоос сэлгээнд сууж, түүний оронд орж барилдсан дархан аварга Н.Батсуурь /2/, улсын өсөх идэр начин Л.Энхсаруул /2/, аймгийн арслан Ө.Батсуурь /3/, аймгийн арслан Г.Цоггэрэл /2/, нийт 14 даваагаар ээлжит ялалтаа авсан бол ЭВ МОНГОЛ багт улсын арслан Э.Оюунболд /2/, улсын заан Б.Пүрэвсайхан /3/, улсын заан М.Лхагвагэрэл /3/, аймгийн хурц арслан Э.Мөнхбаатар /1/, аймгийн арслан Я.Бумбаяр /1/, гуравдугаар тойргоос сэлгээнд сууж, түүний оронд орж барилдсан аймгийн харцага Б.Ренчинжүгдэр /0/, тавдугаар тойргоос сэлгээнд сууж, түүний оронд орж барилдсан аймгийн арслан Ц.Лувсан-Адъяа /1/ нийт 11 даваа авсан юм.

Хамаг Монгол багийн дасгалжуулагчаар улсын харцага Т.Баасанхүү, Эв Монгол багийн дасгалжуулагчаар улсын начин Б.Адъяахүү нар ажиллав.

Дараагийн долоо хоногт буюу нэгдүгээр сарын 31-ний бямба гарагт 13:00 цагаас Ховд аймгийн Мөст сумын харьяат, Монгол Улсын заан Цэдэвийн Мягмарсүрэнгийн нэрэмжит улс, аймаг, цэргийн цолтой 128 бөхийн барилдаантай.

МОНГОЛЫН ҮНДЭСНИЙ БӨХИЙН ХОЛБОО