16 настай охин болон 32 настай эмэгтэйн амь насыг онц ноцтойгоор хохироосон гэмт хэргийн шүүх хурал завсарлаж, шүүх бүрэлдэхүүн зөвлөлдөх тасалгаа руу оржээ. Хохирогчийн өмгөөлөгч М.Баасанбатаас нөхцөл байдлын талаар тодруулахад, "Гэм буруугийн хурал завсарлаж, шүүгчид зөвлөлдөх тасалгаа руу орлоо. Одоо шийдвэрээ хүлээж байна. Хаалттай шүүх хуралдаан учраас шүүх хуралдааны процессын талаар мэдээлэл өгөх боломжгүй. Шүүхийн шийдвэрээ хүндэтгэлтэйгээр хүлээнэ. Гэм буруутай этгээдүүдэд хуулийн дагуу шударгаар ял шийтгэлийг нь оногдуулаасай гэсэн хүлээлттэй байна" гэлээ.