Цагдаагийн алба хаагч албан үүргээ гүйцэтгэж яваад дүрэмт хувцсаа ашиглах боломжгүй болсон тохиолдолд хугацаа харгалзахгүйгээр дахин олгохоор боллоо.
Тодруулбал, байгалийн гамшиг, гэнэтийн давагдашгүй хүчин зүйлд өртөх, бусдын буруутай үйл ажиллагааны улмаас хувцас хэрэглэл урагдах, элэгдэх, гандах зэрэг албаны бэлэн байдлын шаардлага хангахгүй нөхцөл үүссэн үед дүрэмт хувцас, хэрэгслийг яаралтай нөхөн олгох журам хэрэгжинэ.
Цагдаагийн дүрэмт хувцас нь алба хаагчийн эрүүл мэнд, хөдөлмөр хамгаалал, аюулгүй байдлыг хангах өдөр тутмын хамгаалах хэрэгсэл.
