”Farm Forum 2025” арга хэмжээ энэ амралтын өдрүүдэд зохион байгуулагдана. Малчид, фермер, тариаланчид цуглаж мэдлэг, туршлагаа хуваалцахаас гадна хөдөө аж ахуйн салбарыг илүү оновчтой, зохион байгуулалттай, харилцан ашигтай, инновацилаг, орчин үеийн болгож хөгжүүлэхэд ямар асуудал, бэрхшээл байгаа, шийдэл, гарц, гаргалгааны талаар бодлого боловсруулагчдын хамт нээлттэй, хэлэлцэх юм.

Энэхүү арга хэмжээнд БНХАУ-ын ХАА-н тоног төхөөрөмж үйлдвэрлэгч компаниуд, ӨМӨЗО-ноос малын эм ханган нийлүүлэгч, үйлчилгээ үзүүлэгч компани, хоршооллынхон ирж оролцоно. УИХ-ын гишүүн М.Мандхай ирсэн зочдыг хүлээж авч салбарын онцлог, шинэ технологи, үйлчилгээ, жишиг хоршоолол, түншлэл, боломжуудын талаар уулзаж санал солилцлоо.