Ерөнхий сайд Г.Занданшатар өнөөдөр ИЗНН-ын дарга, УИХ-ын гишүүн Б.Батбаатарт шинээр бүрдэх Засгийн газарт орж, хамтарч ажиллах саналыг зөвшилцөхөөр хүргүүлжээ.
Тодруулбал, тэрбээр эл албан бичигт "Олон улсын харилцаа, геополитикийн эгзэгтэй нөхцөл байдал үргэлжилж, худалдааны тарифын зөрчилдөөн, уул уурхайн бүтээгдэхүүний зах зээлийн үнийн уналтаас үүдэлтэй эдийн засагт үзүүлэх сөрөг нөлөөллийг бууруулах, төрийн бодлогын тогтвортой байдал, залгамж чанарыг хадгалж, үндэсний эв нэгдэл хангаж ажиллах нь энэ цаг үед туйлын чухал юм" хэмээн онцолжээ.
