Зургаадугаар сарын 03-ны өдрөөс эхлэн Улаанбаатар – Бээжин чиглэлийн галт тэрэг явж эхлэхээр болжээ. Ковид-19 цар тахлаас хойш тус чиглэлийн гал тэрэг зогссон байсан юм.
Хамгийн анхны зорчигчийн галт тэрэг Бээжингээс энэ сарын 3-нд хөдөлж 4-ний өдөр Улаанбаатарт ирэх аж. Цаашдаа Мягмар гараг бүрийн 07:27 цагт Бээжингээс хөдөлж Лхагва гараг бүрийн 14:35 цагт Улаанбаатарт ирнэ. Харин Пүрэв гараг бүрийн 07:18 цагт Улаанбаатараас хөдөлж, Баасан гараг бүрийн 14:35 цагт Бээжинд очих юм.
Ийнхүү БНХАУ-тай олон улсын зорчигчийн галт тэрэгний хөдөлгөөнийг бүрэн сэргээлээ.
