Монгол Улсын Ерөнхий сайдын боловсролын салбарын санхүүжилт, хөрөнгө оруулалтын талаар танилцуулсан мэдээлэлд үндэслэн УИХ дахь Ардчилсан намын бүлгийн дарга О.Цогтгэрэл дүгнэлт танилцуулсан юм.

Тэрбээр "2024 онд нийтлэгдсэн PISA үнэлгээнд Монголын сурагчдын 66 хувь нь уншсан зүйлээ бүрэн ойлгож чадахгүй, 51 хувь нь математикт анхан шатны түвшнээс доогуур оноо авчээ. Байгалийн ухаанд 0.2% нь л ахисан түвшний ойлголттой байгаа нь суурь боловсрол бүхэлдээ хямралд орсныг харуулж байна. Энэ үнэлгээ нь манай улсын боловсрол дэлхийн түвшинд хаана яваа харуулсан ч Засгийн газар ямар ч бодит дүгнэлт, шинэчлэл хийгээгүй хэвээр байна" хэмээн танилцуулав.