Гадаад зээлийн ашиглалт, үр ашгийг нэмэгдүүлэх анхдагч хуулийн төслөөс болж, нэр бүхий гишүүд санал зөрөлдөөд буй. Тодруулбал УИХ-ын гишүүн Г.Тэмүүлэн, Б.Энхбаяр нар дээрх хуулийн төслийг "ХУУЛИЙН ХУЛГАЙ" гэж нэрлээд байгаа бол хууль санаачлагч УИХ-ын гишүүн П.Сайнзориг, Х.Ганхуяг нар хуулийн төслөө хамгаалж байгаа юм.
Тэгвэл УИХ-ын гишүүн, "Үндэсний эвсэл"-ийн тэргүүн Н.Номтойбаяр өөрийн цахим хуудаснаа "Ингэж гар утас, камерийн ард хэрэлдэж байхаар Төрийн ордны нэг танхимд ширээний хоёр талд гараад, Сангийн сайд Б.Жавхланг дундаа суулгаад, хэвлэлийн өмнө халз “үзчих” үү. Би Г.Тэмүүлэнгийн талд гэдгээ хэлчихье" гэжээ.
