Монгол Улсад сүрьеэгийн илрүүлэг 20 орчим хувьтай байна. Үүний цаана сүрьеэгээр өвчилсөн хүмүүсийн 80 хувь нь илрээгүй хүн амын дунд халдвар тараах өндөр эрсдэлтэй хэвээр байгааг ДЭМБ-ын Монгол дахь суурин төлөөлөгч Сокорро Эскаланте хэллээ. Түүний мэдээлснээр 25-44 насны эрэгтэйчүүдийн дунд халдвар илрээгүй тохиолдол маш өндөр байгаа аж. Тэрбээр “Сүрьеэгийн халдварыг илрүүлж чадаагүй тохиолдолд халдвар тарсаар байх болно. Цаашилбал архи, тамхины хэт их хэрэглээ, чихрийн шижин зэрэг олон эрсдэлт хүчин зүйл сүрьеэгийн өвчлөл нэмэгдэхэд нөлөөлж байна. Мөн ядуурлыг бууруулах, хорт зуршилтай тэмцэх ажилд бид өргөн хүрээгээр хамтарч ажиллах шаардлагатай Монгол Улсын хувьд сүрьеэтэй тэмцэх үйл ажиллагаанд томоохон хүчин чармайлт гаргаж байгааг үүнийг тэмдэглэх нь зүйтэй.” гэсэн юм.
Сүрьеэгийн тооцоолсон өвчлөл 2020 онд Монгол Улсын хэмжээнд 100 мянган хүн ам тутамд 413 байсан бол 2023 онд 491 болж 19 хувиар өссөн байна.
