УИХ-ын гишүүн Ч.Лодойсамбуу Ерөнхий сайд Л.Оюун-Эрдэнийг огцруулах албан бичиг боловсруулж, УИХ-ын гишүүдээс гарын үсэг цугуулж эхэлсэн талаараа өчигдөр мэдээлсэн билээ. Тэгвэл УИХ-ын гишүүн Ж.Баярмаа Ерөнхий сайдыг огцруулах бичигт гарын үсэг зуржээ.

Тэрбээр энэ талаар "Өдөр тутам болж буй амьдралын эмгэнэлт нүцгэн үнэний хажуугаар нүдээ анин дуугүй өнгөрч чадахгүй. УИХ-ын гишүүний ЗГ-ын үйл ажиллагаанд хяналт тавьж, үнэлэлт дүгнэлт өгөх үүргээ биелүүлж, ЗГ-ыг огцруулах бичигт гарын үсэг зурлаа. Өөрийн хүмүүжил, төлөвшил, итгэл үнэмшил, мөн тангарагтаа үнэнч үлдье" гэжээ.