Засгийн газрын ээлжит хуралдаан үргэлжилж байна. Энэ үеэр Аж үйлдвэр, эрдэс баялгийн сайд Ц.Туваан 2025 оны төсвийн төсөл болон бусад цаг үеийн асуудлаар тодрууллаа. Тэрбээр хэлэхдээ,
"Төсвийг шинээр хэлэлцэж буйтай холбоотойгоор 14 мега төсөлд өөрчлөлт орохгүй. Эдгээр төслүүд нь улсын төсвөөр бус гадаад зээл, хөрөнгө оруулалтаар хийгдэнэ.
Харин манай яамны тухайд хамгийн бага төсөвтэй 3 яамны нэг. Урсгал зардлуудаас тодорхой хэсгийг нь хасаж байгаа. Бүх яамдын төсөвт өөрчлөлт орж буй учраас энэ бол хэвийн асуудал" гэлээ.
Мөн тэрбээр Халзан бүрэгтэйн ордын асуудалд "Халзан бүрэгтэйн орд Монгол Улсын хууль тогтоомжийн хүрээнд олгогдсон лицензийнхээ дагуу үйл ажиллагаа явуулж байгаа. Хууль зөрчсөн нэг ч үйлдэл байхгүй" гэх тайлбарыг өгсөн юм.
