НИТХ-аар "Нийслэлийн Засаг дарга бөгөөд Улаанбаатар хотын Захирагчийн 2024-2028 оны үйл ажиллагааны хөтөлбөр"-ийг батлах тухай тогтоолын төслийг хэлэлцлээ.
Энэ үеэр Хотын дарга Х.Нямбаатар зарим мэдээллийг өгсөн юм. Тэрбээр "Цаашид Улаанбаатар хотын иргэд "экомобилити" буюу нийтийн тээврээр зорчдог, алхдаг, дугуй унадаг хүмүүст МӨНГӨН урамшуулал олгодог болно. Систем хангамж нь бэлэн болсон. Удахгүй НИТХ-ын хуралдаанаар журмаа танилцуулна" гэлээ.
