АДАПТ төслийн хүрээнд Дорнод аймаг, Гурванзагал сумын нутагт байх "Мэлхийн булаг"-ыг 2023 онд хашиж хамгаалснаар энэ жил ундарга нь сэргэж урсгал нэмэгджээ.
Уур амьсгалын өөрчлөлт, хуурайшлын нэг үр дагавраар гадаргын ус хатаж ширгэх, урсац хэмжээ багасах, усны хомсдол бий болох эрсдэлүүд нүүрлээд байв.
Доройтолд орсон булгуудын байгалийн аясаар сэргэх боломжийг бүрдүүлэх, усны цэвэр цэнгэг чанарыг хадгалах үүднээс АДАПТ төслийн хүрээнд зорилтот 4 аймаг болох Сүхбаатар, Ховд, Завхан, Дорнод аймагт булгийн эхийг байгальд ээлтэй аргаар хашиж хамгаалжээ.
