Сонгинохайрхан дүүргийн 20 дугаар хороо, Сонсголонгийн гүүрний баруун талд Туул голын эрэг дагуу амарч явсан эмэгтэй "Бие засна" гэж яваад сураггүй болсон гэх дуудлагыг өчигдөр /2024.07.02/ 14:30 цагт Онцгой байдлын байгууллага хүлээн авчээ.

Нийслэлийн Аврах ангийн алба хаагчид Баянзүрхийн товчооны гүүрнээс гарч 40 км замыг туулан 15:16 цагт очиж, иргэн С/65 настай, эмэгтэй/-г эрэн хайх ажиллагааг 2 метрийн гүнтэй урсгал усанд шумбалт хийж, голын усаар завьтай зохион байгуулжээ.

Иргэнийг анх алга болсон газраас 1 км зайд голын усанд живж нас барсан байдалтай голын салаанд гарч ирсэн байсныг 16:38 цагт цогцсыг олж гарган, тус дүүргийн Цагдаагийн 1 дүгээр хэлтэст шилжүүлэн өгсөн байна.