Нийслэлийн хэмжээнд үерийн аюулаас урьдчилан сэргийлэх ажлыг үе шаттайгаар хэрэгжүүлж буй. Энэ хүрээнд Хан-Уул дүүргийн наймдугаар хорооны нутаг Архивчдын гудамжинд авто замын борооны ус зайлуулах ган болон хуванцар хоолой бүхий 423 метр шугам угсарчээ. Мөн ус зайлуулах 15 шүүрт худаг, 15 үзлэгийн худгийг угсарч, явган хүний замын нөхөн сэргээлт, сэтэлгээ болон шүүрт худгуудын асфальтаар хучсан байна.