Засгийн газрын хэрэг эрхлэх газрын дарга Д.Амарбаясгалан өнөөдөр “Ачит Ихт” компанийн 34 хувийг "Эрдэнэт үйлдвэр" ТӨҮГ-т эзэмшүүлэх, улмаар 2015 онд уг гэрээг ашиггүй гэж үзэн эзэмшлээсээ татгалзах нь зүйтэй гэх шийдвэр гаргасан тухайн үеийн "Эрдэнэт үйлдвэр" ТӨҮГ-ын албан тушаалтнуудыг хууль хяналтын байгууллагаар шалгуулна" гэдгийг мэдэгдсэн.

Тэрбээр үргэлжлүүлэн "Тухайн үед "Эрдэнэт үйлдвэр" ТӨҮГ 34 хувийг ашиггүй гэдэг шийдвэрийг гаргахдаа Засгийн газраас зөвшөөрөл аваагүй. Нөгөө талаасаа тухайн үед 49 хувь нь ОХУ-ын эзэмшилд буюу удирдах зөвлөлөөсөө чиглэл авалгүйгээр уг дүгнэлтийг гаргасан нь хууль зөрчсөн байна. Уг шийдвэрийг гаргасан албан тушаалтнууд АТГ-д шалгагдаад шүүхэн шилжсэн. Харамсалтай нь шүүхээс мөрдөн байцаалтад буцаасан. Уг асуудалд хууль хяналтын байгууллага шударгаар ажиллаж ойрын хугацаанд энэ асуудлыг шийдвэрлэх зайлшгүй шаардлага үүссэн" гэлээ.