“Эмийн үнийн өсөлтийн шалтгаан, нөхцөлийг хянан шалгах” үүрэг бүхий түр хорооны нотлох баримтыг шинжлэн судлах сонсгол өнөөдөр (2024.04.17) гурав дахь өдрөө үргэлжилж байна. Өнөөдрийн сонсголоор эмийн бүртгэл болон чанарын хяналтын талаар мэдээллийг сонсож байгаа билээ. Энэ үеэр Эмийн зөвлөлд удаан хугацаанд ажиллаж байгаа хүмүүсийн талаар асуудлыг Түр хорооны дарга УИХ-ын гишүүн Ж.Чинбүрэн хөндсөн. Харин тус асуудалд Эрүүл мэндийн сайд С.Чинзориг 20 жил ажиллаж байгаа хоёр хүнийг зөвлөлөөс чөлөөлсөн гэдгээ хэлээд тухайн хоёр хүн нь Түр хорооны бүрэлдэхүүнд шинжээч, хянан шалгагчаар оролцож байна гэх асуудлыг хөндлөө.
