“S'Outlets” барилгын дагуух Сэлбэ голын түшиц ханын ажлын явц болон энэ онд хийх үерийн хамгаалалтын байгууламжийн талаар Улаанбаатар хотын ерөнхий менежер Ц.Төрхүү мэдээлэл өгч, газар дээр нь ажиллалаа. Энэ үеэр тэрбээр,

"2023 оны долоо, наймдугаар сард үргэлжилсэн бороо орсон. Түүнээс хойш Улаанбаатар хотод нийтдээ 23 байршилд далангийн зураглал хийж байна. Нийт 30 тэрбум төгрөг төсөвлөн ажиллаж байна. Мөн өнөөдрийн байдлаар 4 байршилд шар усны үер боллоо. Жишээлбэл, Богд уулын ус ханзарч, Наадамчдын гудам, Яармагийн зам руу орж ирлээ. Энэ ажилд өдөрт 2-3 машин ажиллуулж, усыг соруулж байна. Мөн Толгойтын болон Баянхошууны сувагчлал дээр ч мөн ус соруулах ажил үргэлжилж байна" гэсэн юм.