НЭМҮТ-ийн захирал С.Өнөрсайхан сар шинийн баяраар өдөрт авах ёстой илчлэгээ тооцож хоол хүнс хэрэглэж, илүүдэл илчлэгээ шатааж хэвшихийг зөвлөлөө. Тодруулбал тэрбээр, "Цагаан сараар 3 айлд ороод 3 бууз, сүүтэй, цай, нийслэл салат, хэрчим мах идэхэд ойролцоогоор 4000 орчим ккал илчлэгийг өөртөө авдаг. Эрэгтэй хүн өдөрт 2500, эмэгтэй хүн 2200 ккал ичллэгийг авахад хэвийн жингээ барих боломжтой. Үүнээс илүү ккал авбал илүүдэл өөх болж биед хуримтлагдана. Ахмад настай айлд орчихоод идэхгүй гээд суух боломж байдаггүй учраас илүүдэл илчлэгээ шатааж хэвших хэрэгтэй. Тиймээс орой гэрээсээ гараад алхаж, гүйж илүүдэл илчлэгээ шатаахыг зөвлөж байна" гэлээ.