Хянан шалгах Түр хорооноос зарласан нүүрсний хоёр дахь шатны сонсгол дөрөв дэх өдрөө үргэлжилж байна. Өнөөдрийн сонсголд "Бодь интернэйшнл" ХХК-ийн эцсийн өмчлөгч Д.Баясгалан гэрчээр дуудагдсан бөгөөд Түр хорооны дарга Б.Энхбаяр "Х.Баттулгын өрөөнд Б.Ганхуяг, Н.Удаанжаргал хоёр байнга цаас дэлгээд байж байдаг болсныг манай намынхан хүртэл ярьдаг байсан. Уул уурхай, Зам тээврийн сайд хоёрын хариуцах төмөр замын асуудлыг ҮАБЗ дээр аль эрт шийдчихээд энэ хоёр сайдыг зүгээр саналаа ирүүл гэсэн байгаа юм" гэв.