Тавантолгой-Гашуунсухайт, Тавантолгой-Зүүнбаян чиглэлийн төмөр замын бүтээн байгуулалтад зарцуулсан хөрөнгө, үр дүнд хийсэн аудитын дүгнэлтэд дурдсан ноцтой зөрчлүүдийн талаарх мэдээллийг та бүхэнд хүргэж байна. Тодруулбал, аудитын дүгнэлтэд дурдсанаар зэвсэгт хүчний анги, нэгтгэлийг бүтээн байгуулалтын ажилд оролцуулах эрх зүйн зохицуулалт дутмаг, зарим зохицуулагдаагүй харилцаанд үйл ажиллагаа явуулснаас хууль зөрчиж, тодорхойгүй байдал үүсгэсэн гэжээ.

Ташрамд дурдахад, Тавантолгой-Зүүнбаян чиглэлийн төмөр замын доод бүтцийн ажлын ерөнхий гүйцэтгэгчээр Зэвсэгт хүчний жанжин штаб, дээд бүтцийн ажлын ерөнхий гүйцэтгэгчээр “Улаанбаатар төмөр зам” хувь нийлүүлсэн нийгэмлэг ажилласан бөгөөд үндэсний 106 компани, аж ахуйн нэгж туслан гүйцэтгэгчээр оролцсон байдаг.