Зургийн эх сурвалж: CNN

ТҮЛХҮҮР МЭДЭЭЛЭЛ: 

• NBA-ийн тамирчид тоглолтынхоо өмнө тайван жагсаал хийлээ.
• Төрийн дуулал эгшиглэх үеэр өвдөглөн суух нь тайван жагсаалын хэлбэр ажээ.
• Уг хөдөлгөөнд New Orleans Pelican, Utah Jazz, Los Angeles Lakers, Los Angeles Clippers багууд нэгджээ.

NBA-ийн шинэ улиралд оролцож буй бүх тоглогчид  “Black Lives Matter” гэх пудволк өмсөн төрийн дуулал эгшиглэх үеэр өвдөглөж суун тайван жагсаал хийжээ.

New Orleans Pelican, Utah Jazz багийн тамирчид болон шүүгч бүр тоглолт эхлэхийн өмнө өвдөглөж суусан бол Los Angeles Lakers, Los Angeles Clippers багийн тоглогчид ч мөн адил Орландо дахь тоглолтоо эхлэхээс өмнө уг үйлдлийг хийсэн байна.

Мөн зарим тоглогчдын өмсгөл дээрх нэрийг “Equality” (“Тэгш эрх”), “I am a man” (“Би бол эр хүн”), “Say her name” (“Түүний нэрийг хэл”) гэх зэргээр сольж, нийгмийн шударга ёсны хөдөлгөөнүүдийг дэмжсэн юм. 

Энэхүү үйл явдлуудын дараагаар NBA-ийн коммисар Адам Силвэр: “Нийгмийн шударга ёсны төлөө тайван жагсаал хийж буй Үндэсний Сагсанбөмбөгийн багуудыгаа би маш их хүндэлж байна.  Тиймээс ч улсын маань төрийн дуулал эгшиглэж байх үед заавал босч зогссон байх ёстой гэсэн дүрмийг мөрдөх шаардлагатай гэж би хүчлэхгүй” хэмээн хэлжээ.

CNN: Дасгалжуулагчид, ажилчид болон Пэликанс, Жазз багийн гишүүд хамтдаа өвдөглөн сууж байна.

Мөн тус багуудын хийсэн мэдэгдлүүдээс дурдвал:
New Orleans Pelicans: “Бид үг хэлэх эрх чөлөө, тайван замаар эсэргүүцлээ илэрхийлэх эрх” гэх зарчмуудыг баримталдаг. Utah Jazz багтай хамтран бид нийгмийн шударга ёс, арьс өнгөөр ялгаварлан гадуурхахтай холбоотой харьцангуй байдлыг сурталчлахын тулд тоглогч, ажилчид, дасгалжуулагчид нэгдэн энэхүү тайван жагсаалыг хийлээ. 
Utah Jazz: “Бид нийгмийн шударга ёсны төлөө тууштай ажиллан тоглогчид, дасгалжуулагчид болон ажилтнууддынхаа эрхийг эдлүүлж дуу хоолой, туршлагаа ашиглан өөрсдийгөө тайван замаар илэрхийлэхэд бэлэн байна" гэжээ. 

Эх сурвалж: CNN