Төсвийн байнгын хороо хуралдаж байна. Хуралдаанаар Монгол Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуулийн төсөл болон хамт өргөн мэдүүлсэн тогтоолын төсөл /Засгийн газар 2025.04.30-ны өдөр өргөн мэдүүлсэн, хэлэлцэх эсэх/ асуудлыг хэлэлцэж байна. Энэ үеэр УИХ-ын гишүүн Г.Лувсанжамц "Засгийн газраас “хүслийн жагсаалт” оруулж ирсэн байна. Жишээлбэл, нэг жилийн дотор 150 мянган айлын орон сууц барих чадал бидэнд бий юу. Ийм төлөвлөгөө боловсруулмааргүй байна. Хэзээ хөгжлийн төлөвлөгөөгөө боловсруулж сурах вэ" гэлээ.