Нийслэлийн Засаг дарга бөгөөд Улаанбаатар хотын Захирагч Д.Сумъяабазар ажлаа авснаас хойш хэрэгжүүлсэн Гурван суурьт хөтөлбөр буюу Эрх зүй, Эдийн засаг, Эрүүл засаглалын хөтөлбөр болон цаашид хийж хэрэгжүүлэх ажлын талаар Улаанбаатар хотоос сонгогдсон УИХ-ын гишүүдэд танилцуулсан юм.

Энэ үеэр нийслэлийн БЗД-ээс сонгогдсон УИХ-ын гишүүн Э.Бат-Амгалан “Судалгаануудаа маш сайн хийсэн байна. Улаанбаатар хотоос сонгогдсон гишүүд нам харгалзахгүйгээр, 1.6 сая иргэнийхээ төлөө нэг зүгт харж ажиллах ёстой. Цаашид Монгол Улсын нийслэл Улаанбаатар хотын эрх зүйн байдлын хуулийг өргөжүүлэн, Улаанбаатар хотын багц хуулийг боловсруулах шаардлагатай байна” хэмээв.