Хар-Ус нуурын байгалийн цогцолборт газрын Агваш арлын орчимд аянга бууж зэгсний түймэр гарчээ. Түймрийн мэдээллийг орон нутгийн ОБЕГ-т мэдэгдэж, түймэр гарсан газар луу байгаль хамгаалагч болон тухайн багийн дарга нар нөхцөл байдалтай танилцаж, үнэлгээ хийхээр явсан тухай мэдээлэл ирүүлсэн аж.

Баяр наадмын өдрүүдэд 21 аймгийн Тусгай хамгаалалттай газар нутгийн хамгаалалтын захиргаа, Сав газрын захиргаадын албан хаагчид байнгын бэлэн байдалд эргүүл хийж хяналт тавин ажиллаж байна. Цаг агаарын болзошгүй аюулаас болгоомжилж, анхаарал сэрэмжтэй аялаарай.