Улсын хэмжээнд энэ жил 34 мянга 117 хүүхэд 12 дугаар ангиа төгсөж байна. Төгсөгчдийн Элсэлтийн Ерөнхий шалгалт өнөөдрөөс албан ёсоор эхэлж байна. Ингэхдээ түүх болон англи хэлний хичээлийн шалгалтаар эхэлж байна.

Шалгалт энэ сарын 18-ныг хүртэл зохион байгуулагдана.

Шалгалт эхлэхэд дараах зүйлсийг БШУЯ-наас анхаарууллаа.

• Шалгалт эхлэхээс 1 цагийн өмнө шалгалтын байрандаа ирсэн байх шаардлагатай бөгөөд шалгалт өгөх анги, танхимд 10 минутын өмнө суудлаа эзэлсэн байна.
• Шалгалтын цагаас хоцорсон тохиолдолд тухайн шалгуулагчийг шалгалтад оруулахгүй.

Шалгалтад ирэхдээ бүрдүүлэх материал

1. Иргэний үнэмлэх болон түүнтэй адилтгах баримт бичиг

2. Бүрэн дунд боловсролын гэрчилгээ

3. Суудлын хуваарь / www.eec.mn цахим хаягаар орж бүртгэлийн дугаар, нууц үгээ ашиглан шалгуулагчийн булангаас хэвлэж авна/

4. Бүртгэлийн хуудас /www.eec.mn цахим хаягаар орж бүртгэлийн дугаар, нууц үгээ ашиглан шалгуулагчийн булангаас хэвлэж авна.