Энэ мэдээ хуучирсан буюу 2023/06/07-нд нийтлэгдсэн мэдээ болно.

GS25 сүлжээ дэлгүүрт хүүхэд үлдээсэн эмэгтэй орон нутаг руу зугтсан байж болзошгүй байна

Ангилал
 Хууль эрх зүй
Огноо
Унших
1 минут 30 секунд

Энэ сарын 6-ны өдрийн 17.00 цагийн орчимд Чингэлтэй дүүрэгт байрлах GS25 сүлжээ дэлгүүрт ой хүрээгүй хүүхдийг орхиж явсан хэрэг гарсан талаар бид мэдээлсэн. Улмаар цагдаагийн байгууллагаас хүүхдийг 108 төвд хүргэн, хаяж явсан эмэгтэйг эрэн хайж байгаа юм.

Тэгвэл тус эмэгтэй орон нутаг руу зугтсан байж болзошгүй байгаа аж. Тиймээс эмэгтэйг эрэн хайх ажлыг орон нутаг руу чиглүүлжээ.

Хэрэв тухайн эмэгтэй төрсөн үрээ хаяж явсан бол эрүүгийн хуулиар шийтгүүлнэ.

Тодруулбал, Эрүүгийн хуулийн 16.3 дугаар зүйлд "Хуулиар хүлээсэн асран хамгаалах, харгалзан дэмжих үүргээсээ зайлсхийж хүүхдийг хаясан, орон гэрээ олох боломжгүй газар зориуд орхисон, хүүхдийг оршин суугаа газраас нь хөөж тэнүүчлэхэд хүргэсэн бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ" гэж заажээ.

Чэжү хотод саатуулагдсан Мандал сумын Засаг даргын орлогч “Юу ч санахгүй байна“ гэж МЭДҮҮЛЖЭЭ
Чэжү хотод саатуулагдсан Мандал сумын Засаг даргын орлогч “Юу ч санахгүй байна“ гэж МЭДҮҮЛЖЭЭ
 
Монгол Ардын Намын Ерөнхий нарийн бичгийн дарга Д.Амарбаясгалан Говь-Алтай аймгийн Цогт, Цээл сумын иргэд сонгогчидтой уулзлаа
Монгол Ардын Намын Ерөнхий нарийн бичгийн дарга Д.Амарбаясгалан Говь-Алтай аймгийн Цогт, Цээл сумын иргэд сонгогчидтой уулзлаа
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц