УИХ дахь Ардчилсан намын бүлгээс өнөөдөр хэлэлцсэн асуудлуудынхаа талаар мэдээлэл өглөө. Тухайлбал, гишүүдийн ирцээс шалтгаалан УИХ-ын чуулган, байнгын хороод хуралдаж чадахгүй байгаа асуудалд АН-ын дарга О.Цогтгэрэл "МАН-ынхан өөрсдөө парламентын үйл ажиллагааг гацаачхаад буруугаа бусад руу нялзайх нь өрөвдмөөр улс төр шүү. Олонх ирцээ бүрдүүлсэн тохиолдолд АН-ын бүлэг УИХ-ын үйл ажиллагаанд оролцоно" гэж мэдэгдлээ.