Нэгэн цагт улс төр, урлаг соёлынхныг урьж нийгмийн "Халуухан" сэдвээр ярилцаж, үзэгчдийг байлдан дагуулдаг байсан "Улаан бал" нэвтрүүлэг дахин үзэгчдийн хүртээл болох гэнэ. Өмнө нь уг нэвтрүүлгийг УИХ-ын гишүүн Ч.Лодойсамбуу хөтөлдөг байсан бөгөөд түүнийг төрийн ажлаа авснаас хойш зогссон билээ. Тэгвэл NTV телевизийн төдийгүй медиа салбарын хамгийн их үзэлттэй нийгэм, улс төрийн контент болох “Улаан бал” тун удахгүй эргэн үзэгчдийн хүртээл болгох гэж буйгаа NTV албан ёсны цахим хуудастаа өнөөдөр нийтэлсэн юм. Үзэгчдийг байлдан дагуулж байсан уг нэвтрүүлгийн хөтлөгч одоогоор НУУЦ байгаа аж.