Хөгжлийн банкны асуудлаарх Хянан шалгах түр хорооны анхны сонсгол Төрийн ордонд таван өдөр үргэлжилж дууслаа. Дараагийн сонсгол ирэх хоёрдугаар сарын 6-10-ны өдрүүдэд зохион байгуулагдах юм. Энэ сонсголоор Хөгжлийн банкны охин компаниар дамжуулан олгосон зээлийн зарцуулалт, Хөгжлийн банкнаас Засгийн газарт шилжүүлсэн 2.5 их наядын зээлийн багцын зарцуулалтын асуудлыг хэлэлцэнэ. Харин гурав дахь удаагийн хэлэлцүүлгийг 2023 оны гуравдугаар сарын 13-17-ны өдрүүдэд зохион байгуулах аж.