Архангай аймгийн ИТХ-ын наймдугаар хуралдаан өнгөрсөн есдүгээр сарын 29-ний өдөр болж, аймгийн Засаг даргаа огцруулах шийдвэр гаргасан. Тодруулбал, шөнийн 02.15 цагт 100 хувийн ирцтэйгээр хуралдаж, аймгийн Засаг дарга М.Батжаргалд улс төрийн хариуцлага тооцож огцруулахыг төлөөлөгчдийн 56,4 хувийн саналаар дэмжиж, Ерөнхий сайдад уламжилсан байдаг.

Харин Ерөнхий сайд Л.Оюун-Эрдэнэ Архангай аймгийн Засаг даргыг огцруулах захирамжийг өнгөрсөн аравдугаар сарын 11-ны өдөр гаргаснаар М.Батжаргалыг огцруулаад юм.

Тэгвэл аймгийн ИТХ-ын ээлжит бус есдүгээр хуралдааныг өчигдөр товлосон ч ирц хүрэхгүй байсаар энэ сарын 7-ны 14.00 цаг хүртэл хойшлуулсан байна. Хуралдаанаар аймгийн Засаг даргыг сонгох юм.