Ховд аймгийн 17 суманд түүх, соёлын үл хөдлөх дурсгалын тооллого хийжээ. Уг ажлын хүрээнд мэргэжлийн байгууллагууд хоёр сар гаруй хугацаанд 650 ширхэг үл хөдлөх дурсгалыг бүртгэн баримтжуулж, 7800 орчим дурсгалыг нарийвчлан тоолж, шинээр 200 гаруй түүхийн үл хөдлөх дурсгал илрүүлсэн байна.
Тус аймагт байгаа түүх, соёлын үл хөдлөх дурсгалыг тоолох ажил ийнхүү 90.7 хувьтай хэрэгжиж, дуусаад байгаа юм. Цаашид түүх, соёлын үл хөдлөх дурсгалуудын хадгалалт, хамгаалалтын үнэлгээ, мэдээллийг нэгтгэн дүгнэж, баримтжуулан цахим программд шивэх ажил үргэлжилэх аж.
Эх сурвалж: Монцамэ
