Оюутолгой Хамтын ажиллагаа, мэдээлэл харилцаа хариуцсан Ерөнхий менежер Э.Лхагвыг сэтгүүлч Б.Баабар өөрийн твиттер хуудастаа өөрөөс нь мөнгө авсан гэх агуулга бүхий нийтлэлийг оруулсан юм.
Тодруулбал, "Энэ нөгөө прокурор асан Энх-Амгалангийн хүргэн мөн үү? Над руу утасдаад "Панамын оффшор дансанд өөрийн чинь нэр дээр 26 сая ам доллар байгааг илрүүллээ. Хагасыг нь надад өгвөл зарлахгүй" гэсэн. Миний баярласан гэж жигтэйхэн 25-ыг нь чи ав, надад ганц сая нь хаваасаг гэсэн" хэмээх зүйлийг бичсэн байсан юм.
Тэгвэл уг асуудалд Э.Лхагва хариу тайлбар хийлээ. Тэрбээр,
"Өглөөний мэнд ээ. Сэтгүүлчээр ажиллаж ирсэн он жилүүдэд хэн нэгнээс мөнгө асуух хүмүүжил, ёс зүй надад байгаагүй ээ. Харин эрх мэдэлтнүүдээс хариуцлага, ёс зүй өдөр бүр шаардаж, баримт нягталж ажилладаг бсаныг минь хамт ажиллаж бсан сэтгүүлч, редактор, үзэгчид мэдэх байх аа" гэсэн байна.
Өглөөний мэнд ээ. Сэтгүүлчээр ажиллаж ирсэн он жилүүдэд хэн нэгнээс мөнгө асуух хүмүүжил, ёс зүй надад байгаагүй ээ. Харин эрх мэдэлтнүүдээс хариуцлага, ёс зүй өдөр бүр шаардаж, баримт нягталж ажилладаг бсаныг минь хамт ажиллаж бсан сэтгүүлч, редактор, үзэгчид мэдэх байх аа 🙏🏻 pic.twitter.com/T5mgpxBZio
— Эрдэнийн ЛХАГВА (@Lkhagva) September 26, 2022
Ташрамд дуулгахад Э.Лхагва нь Mongol HD телевизэд сэтгүүлчээр ажиллаж байхдаа Панамын баримтуудтай холбоотой баримтуудыг дэлгэж, түүнтэй холбоотой Монгол Улсын иргэдийн нэрийг зарлаж байсан юм.
