БОАЖЯ-ны Ойн судалгаа, хөгжлийн төвөөс 700 мянган га орчим ой хөнөөлт шавжид нэрвэгдсэн гэсэн тооцоо гаргажээ. Хэрэв нэн даруй арга хэмжээ авахгүй бол 1.1 тэрбум мод үхэж, 126,000 га ойн сан доройтолд орно гэх дүгнэлт гарсан байна.
Нийт 700 мянган га орчим ойд 11 аймгийн ойн сан бүхий газар, Богдхаан уулын улсын тусгай хамгаалалттай газар, Горхи-Тэрэлжийн байгалийн цогцолбор газар, Улаанбаатар хот орчмын ногоон бүсийн ойг хамарч байгаа аж.
