Ардчилсан намын Үндсэн Дүрмийн Хороо өнөөдөр хуралдаж хууль бус ҮХНӨ-ийг УИХ-аар хэлэлцүүлэн батлахад оролцсон Ардчилсан намын гэх нэр бүхий гишүүдэд хариуцлага тооцох асуудлыг хэлэлцэж байна.
Тодруулбал, УИХ-дахь Ардчилсан намын гишүүн С.Одонтуяа, Б.Бейсен, Ш.Адьшаа, О.Цогтгэрэл нарыг намын үндсэн дүрмийн 3 дугаар зүйлийн 3.9 заалтыг зөрчсөн эсэх асуудлаар “Үндсэн Дүрмийн Хороо” хэлэлцэж, АН-ын ҮДХ-ны журмын 6 дугаар зүйлийн 6.3 дахь хэсэгт заагдсан Хуралдаанд хүрэлцэн ирэх үүргээ хэрэгжүүлэх боломжоор хангахаар 2 цагийн хугацаатай завсарлалаа. Харин УИХ-ын гишүүн Н.Ганибал, Ц.Туваан нарыг өнгөрсөн жил намын гишүүнчлэлээс хассан тул тэдний асуудлыг хэлэлцэхгүй байгаа аж.
АН-ын ҮДХ-ны журмын 6 дугаар зүйлийн 6.5 дахь хэсэгт заагдсанаар яаралтай горимоор хаалттай хуралдаж байгаа ажээ.
