Өмнөд Солонгосын дуучин Psy-ийн “Summer Swag” тоглолт долдугаар сарын 9-нөөс наймдугаар сарын 20-ны хооронд болсон.

Тоглолтын үеэр буюу долдугаар сарын 31-нд 15.52 цагийн орчимд 20 орчим насны монгол залуу "Гангнеун" цэнгэлдэх хүрээлэнгийн гэрлийн цамхгийг буулгахаар ажиллаж байгаад 20 метрийн өндрөөс унаж нас барсан харамсалтай хэрэг гарсан билээ. Амиа алдсан Монгол иргэн PSY-гийн менежментийг хариуцдаг P Nation компанийн туслан гүйцэтгэгч байгууллагад ажиллаж байжээ.

БНСУ-ын эрх баригчид уг осол хөдөлмөрийн аюулгүй байдлын журам зөрчигдсөнөөс болсон эсэхийг шалгаж байгаа аж. Мөн үүнтэй холбогдуулан тус улсын цагдаагийн байгууллагаас P Nation компанид нэгжлэг явуулсан байна.