УИХ-ын ээлжит бус чуулган нээлтээ хийсэн. Харин Ерөнхийлөгч У.Хүрэлсүхийн ҮАБЗ-ийн мэдээллийг сонсохоор хаалттай горимд шилжээд байгаа юм. Чуулганы хурлын дараа намын бүлгүүд, байнгын хороо хуралдах аж.
Энэ удаагийн чуулганаар гурван багц асуудал хэлэлцэнэ. Нэгдүгээрт, Монгол Улсын гадаад дотно орчин нөхцлийн талаар Ерөнхийлөгч У.Хүрэлсүхийн мэдээлэл, ҮАБЗ-ийн илтгэлийг сонсоно.
Хоёрдугаарт, УИХ-ын 2022 оны хаврын ээлжит чуулганы хаалтад хэлсэн цаг үеийн болон онцгой анхааруулвал зохих асуудлуудын талаар өгсөн үүрэг чиглэлээ дүгнэж, эдийн засаг хүндрэлээ даван туулах, үнийн өсөлтийн болон бусад эрсдэлээс ард иргэдийн амьдралыг хамгаалах дэмжих чиглэлээр байгуулагдсан ажлын хэсгүүдийн үйл ажиллагаануудын тайланг сонсож, дүгнэлтийг хэлэлцэнэ.
Гуравдугаарт, өнгөрсөн долоо хоногт МУ-ын ҮХЦ 02 тоот тогтоол гаргаж, ҮХ-ийн 39.1 дэх заалтын 2 дахь хэсгийг хүчингүй болгосонтой холбогдон үүсч буй эрх зүйн асуудлыг хэлэлцэх юм.
