Эрүүл мэндийн яамнаас коронавируст халдварын нөхцөл байдлын талаарх ээлжит мэдээллээ хийлээ. Энэ үеэр ХӨСҮТ-ийн захирал Ц.Билэгтсайхан "Одоо бүртгэгдэж буй халдварын 60 хувь нь нийслэлд, 40 хувь нь орон нутагт бүртгэгдэж байна. Өмнөх долоо хоногтой харьцуулахад орон нутагт халдварын тохиолдлын тоо ихэссэн. Тухайлбал, Дорноговь, Завхан, Өмнөговь аймгуудад халдвар эрс нэмэгдэж байна. PCR шинжилгээнд эерэг илрэх хувь 30 хувьд хүрч, зургаа дахин нэмэгдсэн" гэлээ.