Өнгөрсөн лхагва гаригийн Засгийн газрын ээлжит хуралдаанаас урлаг, соёл, спортын арга хэмжээг 50 хувийн дүүргэлттэйгээр нээх шийдвэрийг гаргасан. Уг шийдвэр өнөөдрөөс албан ёсоор хэрэгжиж байна.

Мөн иргэдийн 50 хувь нь гуравдугаар тундаа хамрагдвал өндөржүүлсэн бэлэн байдлын улбар шар зэрэглэлийг шар болгох чиглэлийг Ерөнхий сайд Л.Оюун-Эрдэнэ өгсөн байдаг.

Улбар шар түвшинд бүх төрлийн баяр ёслол, тэмдэглэлт ойн арга хэмжээ, соёл, урлагийн байгууллагын үйл ажиллагааг хориглодог бол шар түвшинд эдгээр үйл ажиллагаа халдвар хамгааллын дэглэмийн хүрээнд нээлттэй байх юм.