ЭМЯ-наас коронавируст цар тахлын нөхцөл байдлын талаарх мэдээлэл хийлээ.

Энэ үеэр ХӨСҮТ-ийн эмч А.Амбасэлмаа цар тахлын шинэ хувилбарууд гарч цаашид, нутагшмал байдалд оршиж, хамтран амьдрах эрсдэлтэй гэдгийг хэлж байсан юм. Тэрбээр "Манай улс нийт хүн амынхаа 65 орчим хувь орчмыг вакцинжуулалтад хамруулаад байна. Зорилтот бүлгийнхээ 89.9 хувийг дархлаажуулсан. Түүнчлэн хүн амын дунд өвдөөд эдгэрсэн хүмүүс байгаа. Тэгэхээр коронавирусийн хувилбаруудын эсрэг 70 гаруй хувь нь тодорхой хэмжээний хамгаалалттай болж байна гэсэн үг. Бид үүнд итгэх хэрэгтэй. Тодорхой хувийн хамгаалалттай болсон учраас нийгмийн эрүүл мэндийн арга хэмжээг авбал халдварын тохиолдол хяналтад орох боломжтой гэдгийг ойлгох хэрэгтэй" гэлээ.