Монголын боксын үндэсний шигшээ баг тамирчид Чех улсын Усти над Лабем хотод тавдугаар сарын 4-9-нд зохион байгуулах 51 дэх удаагийн Гран при олон улсын тэмцээнд оролцохоор өнөөдөр өглөө Европыг зорилоо.

  Баг тамирчид тавдугаар сарын 09-20-нд Германд болох Герман болон Кубын шигшээ багийн тамирчидтай хамтарсан бэлтгэл хийх юм байна. Улмаар тавдугаар сарын 21-нээс 6 дугаар сарын 1-нд АНЭУ-ын Дубай хотноо зохион байгуулах Ази тивийн АШТ-нд оролцоно.

  Багийн эрэгтэй тамирчид: Х.Энхмандах /52 кг/, Х.Энх-Амар /56 кг/, Э.Цэндбаатар /60 кг болон 63 кг/ Б.Чинзориг /64 кг/, Б.Мишээлт /69 кг/, О.Бямба-Эрдэнэ /75 кг/ байгаа бол эмэгтэй тамирчид: Л.Алтанцэцэг /51 кг/, О.Есүгэн /57 кг/, М.Намуун /60 кг/ нар багтжээ.